Na tera di un povu negru, sufridu
Undi ki na lei di omi tudu e pirmitidu
Mininu ta nasi tudu ragaladu sabidu
Uns sabi, otus ku dor na petu lapidu
Trokadu briga ki lebas alguen kiridu.
Si ka ba skola ta fika mal instruidu
Futuru mariadu kela e garantidu
Nes mundu xeiu puta ku bandidu
Oh duensa oh droga, menti puluidu
Mai ku fidju tudu sta involvidu.
Na txada ten bala perdidu
Na Varzea ten korpu skesidu
Nha Praia ka sta mas unidu
Nos juventudi sta dizinibidu
Pa kualker kuza ta kre dabu nobidu.
Kau sukuru ta kansa xintidu
Alma spantadu pa kualker ruidu
Ti mininus dja bira trividu
Ku stilu mariadu pes fika izibidu
Ta kre sombra mudjer ku maridu.
by Johnny Pina
Sem comentários:
Enviar um comentário