xinti txeru forti na bentu di korpu amadu,
peli na peli fetu lumi ta rema na meiu noti
suor transadu na boka, boka na kumpanheru seladu
odju na odju, gemidu na obidu, tezon na krika ku biroti
dentu kuatu paredi, tistimunha ka mestedu, ka txomadu
e tornu e txabeta, funana, na meiu di alma sandjon kola
vira, torsi, ratorsi, subi dixi, agu ta disprinda
sustil sintura, kambal na korpu, odju rabida rabola
ba frenti bem tras na abisensia di po di kabinda
mama na petu ta bua, kabesa biroti dja ka fola.
po di riba, po di baxu, po di tras, po di frenti
na meiu perna agu dja kori ti dja solopa koltxon
na un gritu baxu, xeiu dor di sabura e sera denti
tremura toma konta, kel femia dismui na meiu mon
i mas femia e bira ku finikiti lapidu na se penti
by Johnny Pina
Sem comentários:
Enviar um comentário