Do outro lado

Eu fui

Mas te levei comigo

Eu não me despedi

Apenas me guardei para outra ocasião.

Aqui me sento

À espera de um novo dia

Onde no teu colo me aconchegue

E servido de desejos te possua

Fazendo-te delirar a cada toque meu

No corpo teu

Eu fui

Sentindo um fogo deambular

Entre os desejos de voltar

Levei comigo a saudade de ficar

Entrelaçado nos olhos, o teu belo

Caminhei em busca de um novo dia

Em horizontes de sacrifício

Eu deixei aqui tudo

Com a promessa de retorno

Para nos braços abraçar a vida

E novamente no canto do olho

Amar um sorriso nunca esquecido.

Eu fui, mas hoje voltei

Do além das minhas forças

Para uma nova história

Que agora, aqui te conto

by Johnny Pina

Unden?!

ondas brabus

ami xintadu

alma paziguadu

um kabalu onduladu

di troti na areia modjadu

na tardi di bentu

pensamentu distanti

odju na infinitu di mar

n'atxa purgunta

pan buska risposta

na mundu divididu

speransa di nha povu

guardadu tras di orizonti

fazen kistiona vida

i boka seladu, n'buskan

dentu di mi, dentu di mundu

xintidu mansu

n'viaja na distansia

nha pasadu inxinan

nha prizenti ta sustin

nha futuru ta moven

ta fazen anda ta buskan

ta buska un manera di kompletan

la undi k n'debi, ki inda nka txiga

na sombra di Deus n'ta kaminha

ta buskan padaz padaz

dentu di mi, dentu di mundu.

by Johnny Pina

Rola na Areia

rola na areia

ragasal boka

kanbal lingua

badjal lanbada na bexu

nha mon dja viaja

rabadidja, kosta, kadera

subi na petu, biku trinkadu

kabelu modjadu, noti fitxadu

sereia na forma di mudjer

sustidu na nha petu

ka nunpriti, ka bistidu

tadjadu, kuazi ratadjadu

e briga doxi ki ka mesti tadju

ondas la ta ben, trazi briza

perfuma noti, transadu ku tezon

na si sintura, un reboladu

na nhas odjus, un konviti

mar e tistimunha, rizisti e ka opson

na armunia di prazer

nu djunta biku na kumpanheru

koladu nu rola, e rabola, mi ntrokola

na son di ondas di mar, se gemidu

mi na el, livre ta sunha kordadu

el na mi, lapidu ta txora di sabi

i si nu kontinua, alma unidu

korpu trokadu, a mersé di prazer

i noti bira infinitu.

by Johnny Pina

Kriolu

kriolu e si

e muzika faladu

na alma kantadu

kriolu e sima lingua di vizinhu

numpriti, sempri fora boka

kriolu e faka moladu na ora koba

bu ka ta mori pamo bu ora ka txiga

kriolu e dimeu, kriolu e di bo

kriolu ta fladu, ma ka fladu fla

el e di mundu sima Sol na seu

Papial ku C, skrebel ku K

brinkal ku boka, ninal ku alma

kriolu ta skrebedu ti ku odju

Ta dizenhadu na andar

kriolu?!

kriolu ka ta sukundi num parti

e tem bazofaria na dedu, rikeza na sombra

kriolu e kabelu bedju ki ben di skravu

e bandera ki nunka ratxa na bentu

{Kuma bu ka na papia kriolu? Pa bia di ke?

Kriolu na nasi na mon di badjuda

kriolu na tem spiritu garandi

Kasa na tudu korpu, di pretu, di branku} (Kriolu Guiné-Bissau)

El e ka rasa, el e ka kor

el e prizenti di Deus

el e inosensia pa mi

e komplikason pa bo

ma kriolu e si, e lingua ki ka mesti sal

e muzika sem genero, e badju di voz

e testamentu d skravidon

kriolu e lua xeia na dia klaru

kriolu ka tem noti, e sukuru bem limiadu

e bensu d nha dona, e abrasu d nhas amigus

e surizu bunitu na rostu mininu

Kriolu e paz, mas tb ka bu buskal guera.

kriolu e konviti k Deus fazeu

txiga pertu nta flau "Bon Bini" (1)

Kriolu, "bu sa ku mi stima bo ku henter mi kurason" (2)

kriolu ndau, ma nka fika sem el.

kriolu e partilha, e union, e si.

*(1) - Bem-vindo;

*(2) - bu sabi ma nkreu ku td nha kurason; Língua Papiamento

by Johnny Pina