Quem sou

A minha foto
Se tudo se fizer ao nada, do nada retornará tudo e milagres desvanecerão se nada se fizer em tudo.

segunda-feira, 15 de outubro de 2012

Unden?!


ondas brabus
ami xintadu
alma paziguadu
um kabalu onduladu
di troti na areia modjadu
na tardi di bentu
pensamentu distanti
odju na infinitu di mar
n'atxa purgunta
pan buska risposta

na mundu divididu
speransa di nha povu
guardadu tras di orizonti
fazen kistiona vida
i boka seladu, n'buskan
dentu di mi, dentu di mundu
xintidu mansu
n'viaja na distansia

nha pasadu inxinan
nha prizenti ta sustin
nha futuru ta moven
ta fazen anda ta buskan
ta buska un manera di kompletan
la undi k n'debi, ki inda nka txiga
na sombra di Deus n'ta kaminha
ta buskan padaz padaz
dentu di mi, dentu di mundu.

by Johnny Pina

Sem comentários:

Enviar um comentário