# Un dia #
un dia nbai na bo
di vólta, nben sen mi
ntrazi un padaz di bo
na meiu di nha ligria
un beju furtadu ntoma
alma ragaladu na luz
nbua kaminhu interu
sima txota pa ninhu
# des di kel dia #
nteni bu sorizu na mi
guardadu na nha folgu
na kantu di nhas odjus
ta pinga na nha bigodi
nteni bu txeru na mi
prindadu na nha kosta
roladu na nha sodadi
tenen nosenti, mininu
by Johnny Pina
Sem comentários:
Enviar um comentário