Quem sou

A minha foto
Se tudo se fizer ao nada, do nada retornará tudo e milagres desvanecerão se nada se fizer em tudo.

quinta-feira, 6 de novembro de 2014

Ami Go?

Rabu pasa katxor
Kankan foga tabakeru
Na tera di uns i otus
Nhu nhaku kori di tronu
Nun txabeta "sporádiku"

Mininus nasi ku barba
Kamuga bira prizenti
Nburdiadu ku astusia
Na préga di tudu santxu
Ki ta madorna na kalseta

Ami gó, undi nta ngatxa?

Kombersu sabi e fumu na bentu
Na inu di tudu rastafary
Sen ruspetu pa koz di kalsa
Ki bira amparu di koka
Na mola di tudu pe ta springa

Yah nha cuz. Ami undi nfika?

Feru bedju bira ta kria boka
Sen nuson ta kuspi na karni
"Korpu e di txon, alma e di Dios"
Viaji iternu pa dor ku lagua
Na boka di tudu poti di odju

by Johnny Pina

Sem comentários:

Enviar um comentário