Kuatu, Dos, Un

Di kuatu, má nos era dos

Mi kuel fundidu, nu era un

Mi di tras, el di dianti

Di kuatu, ma nos era dos

Mi ta subi ta dixi

El ta rema ta gemi

Mi kuel fundidu, nu era un

Suor ka ta distrinsa

Sábi tinha rostu maguadu

Ma simé era sábi sen dor

Folgu falta, má fika mas sábi

Spritu abri, razon perdi

Nkarinbal kadera ku palmada

Ntxomal di tudu ki ben na boka

Noti nomada, tezon, un kaza

Kuzinha sen kumida, má kumedu

Sala bira kuartu sen kama

Mesa bira kama sen lansol

Tempu pasa sen tempu pára

Mon ka tinha governu

Korpu ka tinha kumandu

Kama era so pa diskansu

by Johnny Pina